විදේශ කටයුතු අමාත්‍ය රවී කරුණානායක මහතා අමාත්‍යධූරයෙන් ඉවත්වීමට ගත් නිර්භීත පියවර තමන් අගය කරන බව විපක්ෂ නායක ආර්.සම්බන්ධන් මහතා අද (10) පාර්ලිමේන්තුවේ දී ප්‍රකාශ කළේ ය.
විපක්ෂනායකවරයා මේ බව ප්‍රකාශ කළේ, හිටපු මුදල් අමාත්‍ය,වත්මන් විදේශ කටයුතු අමාත්‍ය රවී කරුණානායක මහතා ධූරයෙන් ඉවත්වීමට ගත් තීරණය සම්බන්දයෙන් අඳහස් දක්වමිනි.
තවදුරටත් අඳහස් දැක්වූ විපක්ෂ නායකවරයා,
රවී කරුණානායක මහතා අධිකරණයකින් වරද කරුවෙන් කර නෑ. ඒ නිසා එතුමාට නිර්දෝෂීභාවයේ පූර්ණ නිගමනයට අයිතියක් තිබෙනවා. රවී කරුණානායක මහතාගේ නිර්භීත පියවර ගැන අගය කරනවා. එතුමා තීරණය ගත්තේ යහපාලනය හා රටේ යහපත වෙනුවෙන්. එතුමා හොඳ ආදර්ශයක් ලබාදුන්නා යැයි ද පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
