මහාචාර්ය ආරියරත්න කලුආරච්චි මහතාගේ “තුන්බිය” ප‍්‍රාසාංගික මුද්‍රා නාට්‍යය වේදිකාගත කිරීමේ උත්සවය ඊයේ (27) පස්වරුවේ කොළඹ නෙළුම් පොකුණ රඟහලේ දී පැවැත්වුණු අතර එහි ප‍්‍රධාන ආරාධිත අමුත්තා ලෙස ජනාධිපති මෛත්‍රීපාල සිරිසේන මැතිතුමා එක් විය.
දශක දෙකකට පමණ පසුව ලංකාවේ බිහිවූ ප‍්‍රථම ප‍්‍රාසාංගික මුද්‍රා නාට්‍යය මෙය වන අතර නෙළුම් පොකුණ රඟහලේ වේදිකාගත කෙරුණු ප‍්‍රථම ප‍්‍රසාංගික මුද්‍රා නාට්‍යය ද මෙය වීම විශේෂත්වයකි.
සංස්කෘතික කටයුතු දෙපාර්තමේන්තුව විසින් මෙය සංවිධානය කර තිබුණි.
අමාත්‍යවරුන් වන එස්.බී. නාවින්න, එස්.බී. දිසානායක, සංස්කෘතික කටයුතු දෙපාර්තමේන්තුවේ අධ්‍යක්ෂ අනුෂා ගෝකුළ යන මහත්ම මහත්මීන් ඇතුළු පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
