උතුරු ප්‍රදේශයේ ධීවර කර්මාන්තය නඟා සිටුවීම සඳහා විධිමත් වැඩසටහනක් ක්‍රියාත්මක බව ධීවර හා ජලජ සම්පත් සංවර්ධන අමාත්‍ය,මහවැලි සංවර්ධන රාජ්‍ය අමාත්‍ය මහින්ද අමරවීර මහතා අද (07) පාර්ලිමේන්තුවේ දී පැවසී ය.
මෙරට විශාලතම ධීවර වරාය පේදුරුතුඩුවේ ඉදිකෙරෙන බව කී අමාත්‍යවරයා,අසියානු සංවර්ධන බැංකුව මූල්‍යාධාර සපයන බව කීය.
මේ පිළිබඳව මොරටුව විශ්වවිද්‍යාලය ඉදිරිපත් කළ සක්‍යතා වාර්තාවද ලැබී ඇති බව අමාත්‍යවරයා පැවසී ය. තවත් ධීවර වරායක් පේෂාලේ ඉදිකිරීමට නියමිතය. උතුරු පළාතේ ධීවර තොටුපලවල් 20ක් ද නැංගුරන්පලවල් 7ක් ද සංවර්ධනය කෙරේ. එමෙන් ම ශීතාගාර හා මත්ස්‍ය සැපයුම් මධ්‍යස්ථන ඇති කෙරේ. ජලජීවී වගා කර්මාන්තපුරයක් ආරම්භ කෙරෙන අතර ඉන් රැකියා දස දහසක් ලබාදීම ඉලක්කය බවද අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
