බුදු දහමේ පදනම වන්නේ සමාජ සාධාරණත්වය බවත් බුදුදහමෙන් ඒ සඳහා ලබාදී ඇති ඉගැන්වීම් තුළින් ලෝකයේ වර්තමාන පාලකයින්ට මෙන්ම පාලිතයින්ටද පාඩමක් ගත හැකි බවත් අග්‍රාමාත්‍ය රනිල් වික්‍ර‍මසිංහ මහතා කොළඹ බණ්ඩාරනායක අනුස්මරණ සම්මන්ත්‍ර‍ණ ශාලාවේ අද (12) පැවති එක්සත් ජාතීන්ගේ වෙසක් දින උළෙල හා ලෝක බෞද්ධ සමුළුවේ සමාරම්භක උත්සවයේ අමතමින් ප්‍ර‍කාශ කළේය.
වෙසක් පෝය දිනය ආරම්භ වී ඇත්තේ මෙයට සියවස් 26කට පමණ පෙර බවත් එය ජාත්‍යන්තර නිවාඩු දිනයක් බවට පත් කිරීම සඳහා චන්ද්‍රිකා බණ්ඩාරනායක කුමාරතුංග මහත්මියගේ පාලන කාලයේදී එවකට විදේශ කටයුතු ඇමැතිව සිටි ලක්ෂ්මන් කදිරගාමන් මහතා ගත් ක්‍රියාමාර්ගය අගය කළ යුතු බවත් විකුමසිංහ මහතා සඳහන් කළේය.
ශ්‍රී ලංකාවේ ආරාධනය පිළිගෙන මෙම උළලේ ප්‍ර‍ධාන ආරාධිත අමුත්තා සහභාගි වූ ඉන්දීය අග්‍රාමාත්‍ය නරේන්ද්‍ර මෝදි මහතාට ශ්‍රී ලංකා රජය හා ජනතාව කෘතඥ වන බව ද ඒ මහතා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
