වෙසක් කලාපය විවෘත කරමින් ශ්‍රි සර්වඥ ධාතුන් වහන්සේලා තැනැපත් කිරීම ද ජනාධිපතිතුමා අතින් සිදු වූ අතර, ජනාධිපතිතුමා ශ්‍රි සර්වඥ ධාතුන් වහන්සේලා වැද පුදාගෙන ආශිර්වාද ලබා ගත්තේය.
අස්ගිරි ගෙඩිගේ මහා විහාරස්ථානයේ සිට ශ්‍රි සර්වඥධාතුන් වහන්සේලා මෙහි වැඩම කරවා තිබේ.
පෑලියගොඩ විද්‍යාලංකාර පරිවෙණාධිපති කැලණිය විශ්වවිද්‍යාලයේ කුලපති ආචාර්ය පූජ්‍ය වැලමිටියාවේ කුසලධම්ම නායක ස්වාමින් වහන්සේ, ශ්‍රි ජයවර්ධනපුර විශ්වවිද්‍යාලයේ කුලපති මහාචාර්ය පූජ්‍ය ඛෙල්ලන්විල විමලරතන නායක ස්වාමින් වහන්සේ, පූජ්‍ය කෝමාරියේ රාහුල ස්වාමින් වහන්සේ ප්‍රමුඛ මහා සංඝරත්නය ද අමාත්‍ය විජයදාස රාජපක්ෂ, නියෝජ්‍ය කථානායක තිලංග සුමතිපාල, බෞද්ධ මහා සම්මේලනයේ සභාපති ආචාර්ය ප්‍රනීත් අභයසුන්දර, උප සභාපති ජගත් සුමතිපාල යන මහත්වරුන් ඇතුථ පිරිසක් මෙම අවස්ථාවට එක්ව සිටියහ.
