අනතුරුව මාලේ අගනුවර වෙත ගිය ජනාධිපති රාජපක්ෂ මැතිතුමා එරට උප ජනාධිපති ආචාර්ය මොහොමඩ් ජමීල් අහ්මඩ් සහ බවුලත් ෆහීම් මැතිණිය විසින් ද පිළිගනු ලැබීය.
ජනාධිපතිතුමා මාලදිවයිනේ රැඳී සිටින කාලය තුළ මාලදිවයින් ජනාධිපතිතුමා සමඟ නායක මට්ටමින් ද්විපාර්ශවික සාකච්ඡාවල නිරත වෙයි. පසුව දෙපාර්ශවය අතර නිල සාකච්ඡා අරඹන අතර සෞඛ්‍ය, ආයෝජන ක්ෂේත්‍රවල ගිවිසුම් කිහිපයකට ද අත්සන් තැබීමට නියමිතය.
මෙහිදී මාලදිවයින් හිටපු ජනාධිපති මවුමුත් අබ්දුල් ගයුම් මැතිතුමා ද ජනාධිපතිතුමා මුණ ගැසීමට නියමිතය. මාලදිවයින් ජනාධිපතිතුමා, රාජපක්ෂ මැතිතුමා හා මැතිණිය වෙනුවෙන් රාත්‍රී භෝජන සංග්‍රයක් ද පවත්වන අතර මාලදිවයින් චාරිකාවෙන් පසු ජනාධිපතිතුමා සීෂෙල්ස් බලා පිටත්ව යනු ඇත.
විදේශ කටයුතු අමාත්‍ය මහාචාර්ය ජී.එල්. පීරිස්, උසස් අධ්‍යාපන අමාත්‍ය එස්.බී. දිසානායක, විදේශ කටයුතු අමාත්‍යාංශයේ අධීක්ෂණ මන්ත්‍රී සජින් ද වාස් ගුණවර්ධන, පාර්ලිමේන්තු මන්ත්‍රීවරුන් වන ඒ.එච්.එම්. අස්වර්, උදිත් ලොකුබණ්ඩාර, ලොහාන් රත්වත්තේ, ජනාධිපති ලේකම් ලලිත් වීරතුංග, විදේශ කටයුතු අමාත්‍යාංශයේ ලේකම් ෂෙනුකා සෙනෙවිරත්න යන මහත්ම මහත්මීහු මේ අවස්ථාවට එක්ව සිටිති.
NDH/pix by Sudath Silva-pmu
