ඌව පළාතට පත්වීම් ලබා පැමිණෙන ගුරුවරුන්ට නවාතැන් පහසුකම් සපයා ගැනීම දුෂ්කර කාර්යයක්ව පැවැති අතර ඊට විසඳුම් වශයෙන් රුපියල් මිලියන 32ක වියදමින් මෙම ගුරු ගම්මානය ඉදිකර ඇත.
ගුරු පවුල් 50කට පමණ මෙහි පහසුකම් සැලසෙන අතර ප්‍රජා මධ්‍යස්ථානයකින් සහ ළමා උද්‍යානයකින්ද මෙම ගම්මානය සමන්විතය. ගම්මානය විවෘත කළ ජනාධිපතිතුමා එහි ගුරු පවුල් කිහිපයක් වෙත නිවාසවල යතුරු ප්‍රදානය කිරීමටද එක්විය.
අමාත්‍යවරුන් වන ජගත් පුෂ්පකුමාර, පවිත්‍රා වන්නිආරච්චි, සුමේධා ජී. ජයසේන, ඌව පළාත් ආණ්ඩුකාර නන්ද මැතිව්, ප්‍රධාන අමාත්‍ය ශෂීන්ද්‍ර රාජපක්ෂ මහත්වරු ඇතුළු පිරිසක් ද මීට එක්ව සිටියහ.
ඉන් අනතුරුව CIC ශූර ගොවියා සම්මානය හිමිකරගත් නිහාල් සුබසිංහ මහතාගේ සියඹලාණ්ඩුව නිවසට ගිය ජනාධිපතිතුමා ඒ මහතා ඇතුළු පවුගේ අය සමඟද සුහද කථා බහක නිරත විය.
DB
