රජරට නවෝදය යටතේ අනුරාධපුරය සහ පොළොන්නරුව දිස්ත්‍රික්කවල අලුතෙන් වී ගබඩා සංකීර්ණ 15ක් ඉදිකිරීමට පියවර ගන්නා බව ග්‍රාමීය ආර්ථික කටයුතු පිළිබඳ අමාත්‍ය පී.හැරිසන් මහතා ප්‍රකාශ කරයි.
අමාත්‍යවරයා අද (09) පාර්ලිමේන්තුවේ දී මේ බව ප්‍රකාශ කළේ, ග්‍රාමීය ආර්ථික කටයුතු පිළිබඳ අමාත්‍යාංශයේ වැයශීර්ෂයේ විවාදයේ අඳහස් දක්වමිනි.
එමෙන් ම දැනට පවතින වී ගබඩා සංවර්ධනය කෙරේ. උතුරු මැද පළාතේ ඔයාමඬුව ප්‍රාදේශයේ විශාලතම වී මෝල ස්ථාපිත කෙරෙනවා.තඹුත්තේගම පිහිටි ආර්ථික මධ්‍යස්ථානය හා සත්ත්ව පාලන ගොවිපළ 02 සංවර්ධනය කෙරේ.
කිරි නිෂ්පාදනය ඉහළ නංවීම සඳහා ඕස්ට්‍රේලියානු කිරි ගවයින් 5000ක් බෙදා දීමට ක්‍රියා කරනවා යැයි ද අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
