යාපනය විශ්වවිද්‍යාලයේ සිසු සිසුවියන්ගේ පිරිසිදු පානීය ජල අවශ්‍යතාවය සපුරාලමින් විශ්වවිද්‍යාල පරිශ‍්‍රයේ අභිනවයෙන් ස්ථාපනය කරන ලද ප‍්‍රති ආශ‍්‍රැත ජල පිරිපහදු යන්ත‍්‍ර දෙකක් ජනාධිපති මෛති‍්‍රපාල සිරිසේන මැතිතුමා අතින් අද (02) විවෘත කෙරිණි.
අද පස්වරුවේ යාපනය දොරෙයිඅප්පා කි‍්‍රඩාංගණයේ පැවැත්වෙන ජාතික මහා කි‍්‍රඩා උළෙලේ සමාප්ති උත්සවය සඳහා සහභාගිවීමට ගිය ජනාධිපතිතුමා මෙම අවස්ථාවට ද එක් විය.
විශ්වවිද්‍යාලයේ සිසුන්ගේ ඉල්ලීම පරිදි මෙම ජල පිරිසිදු කිරීමේ යන්ත‍්‍ර ලබාදීම සිදු වූ අතර ඉදිරියේදී තවත් යන්ත‍්‍ර දෙකක් එහි ස්ථාපිත කිරීමට නියමිතය.
විශ්වවිද්‍යාලයට ගිය ජනාධිපතිතුමා එහි සිසු දරුවන්ගේ තොරතුරු විමසමින් ඔවුන් සමඟ සුහද කතා බහක ද නිරත විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
