කටුනායක බණ්ඩාරනායක ජාත්‍යන්තර ගුවන් තොටුපළින් එමිරේට්ස් 651 දරන ගුවන් යානයෙන් අද පෙරවරු 10.45 ට පමණ ජනාධිපතිතුමා නිව්යෝක් නුවර බලා පිටත්විය.

මෙම සැසිය හෙට (19) සිට ලබන 23 දක්වා පැවැත්වෙන අතර ජනාධිපති  මෛත‍්‍රීපාල සිරිසේන මැතිතුමා 21 වන දින සමුළුව ඇමතීමට නියමිතය.

මෙම සැසිය ජනාධිපතිතුමා ජනාධිපති ධූරයට පත්වීමෙන් පසු එක්සත් ජාතීන්ගේ මහා මණ්ඩලය අමතන දෙවන අවස්ථාව වන අතර වත්මන් එක්සත් ජාතීන්ගේ මහ ලේකම් බෑන් කී මූන් මහතාගේ අවසන් මහා මණ්ඩල සැසිය ද වේ.

ජනාධිපතිතුමා සමඟ අමාත්‍යවරුන් වන ගයන්ත කරුණාතිලක, නිමල් සිරිපාල ද සිල්වා, අර්ජුණ රණතුංග, ෆයිසර් මුස්තාෆා යන මහත්වරුන් ද පාර්ලිමේන්තු මන්ත‍්‍රී නාලක කොලොන්නේ මහතා ඇතුළු පිරිසක් ද නිව්යෝක් බලා පිටත්වූහ.