සැප්තැම්බර් 10 වෙනිදාට යෙදී ඇති ලෝක සියදිවි හානි වැළැක්වීමේ දිනය නිමිත්තෙන් හා ශ්‍රී ලංකා සුමිත්‍රයෝ ග්‍රාමීය වැඩසටහනට වසර 20 ක් පිරීම නිමිත්තෙන් නිකුත් කරනු ලබන සංකේත රිබන් පටියේ පළමු රිබන් පටිය ජනාධිපති මෛත්‍රීපාල සිරිසේන මැතිතුමා වෙත පැළඳවීම අද (06) ජනාධිපති කාර්යාලයේ දී සිදු විය.
ශ්‍රී ලංකා සුමිත්‍රයෝ සංවිධානයේ උප සභාපතිනි නීලකාන්ති ඉරෝමි ගෝමස් මහත්මිය විසින් ජනාධිපතිතුමා වෙත රිබන් පටිය පැළද වූ අතර ශ්‍රී ලංකා සුමිත්‍රයෝ සගරාව ද ජනාධිපතිතුමා වෙත පිළිගැන්වීය.
ජීවිතය ගැන කළකිරුණු ඕනෑම කෙනෙකුට සවන් දී ඔහුගේ ප්‍රශ්නය නිරාකරණය කරදීමේ සංවිධානයක් ලෙස ශ්‍රී ලංකා සුමිත්‍රයෝ සංවිධානය ක්‍රියා කරයි. එය 1974 දී ස්ථාපිත කෙරිණි.
ශ්‍රී ලංකා සුමිත්‍රයෝ සංවිධානයේ සභාපති අනුර විජේමාන්න මහතා ඇතුළු පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
