දීර්ඝ කාලීනව රෝහලේ පැවති අඩුපාඩු රැසක් සපුරාලමින් රුපියල් කෝටි 100 ක පමණ මුදලක් වැය කරමින් මෙම සංවර්ධන කටයුතු සිදු කර තිබේ.
සියලු පහසුකම්වලින් සමන්විතව ඉදිකර ඇති වාට්ටු සංකීර්ණය විවෘත කළ ජනාධිපතිතුමා එහි නිරීක්ෂණ චාරිකාවක ද නිරත විය.
පිරිමි වාට්ටුව සඳහා ඇතුළත් කෙරුණු පළමු රෝගියා ලියාපදිංචි කිරීම සිදු වූයේද ජනාධිපතිතුමා අතිනි.
රෝහලේ ඉදිකෙරෙන පස් මහල් ගොඩනැඟිලි සංකීර්ණය සඳහා මුල් ගල් තැබීම ද ජනාධිපතිතුමා අතින් සිදු විය.
ඇඹිලිපිටිය මහ රෝහලේ සංවර්ධන කටයුතු සඳහා රජය වැය කිරීමට අපේක්ෂිත මුදල රුපියල් මිලියන 5700 කි.
