ශ්‍රී ලංකා අපනයන සංවර්ධන මණ්ඩලය සංවිධානය කරනු ලබන ජනාධිපති 'අපනයන සම්මාන ප්‍රදානෝත්සවය' 2016 අගෝස්තු 09දා පස්වරු 3.00 ට ජනාධිපති මෛත්‍රීපාල සිරිසේන මැතිතුමන්ගේ ප්‍රධානත්වයෙන්, බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී (BMICH) පැවැත්වේ.
මෙවර සම්මාන ප්‍රදානය කරනු ලබන්නේ 2014 / 2015 වර්ෂයන්ට අදාල ව වන අතර, සම්මාන උළෙල පැවැත්වෙන්නේ 20 වැනි වරටය.
මුදල් අමාත්‍ය රවී කරුණානායක, කර්මාන්ත හා වාණිජ කටයුතු අමාත්‍ය රිෂාඩ් බදියුදීන්, ධීවර හා ජලජ සම්පත් සංවර්ධන අමාත්‍ය මහින්ද අමරවීර, වැවිලි කර්මාන්ත අමාත්‍ය නවින් දිසානායක, කෘෂිකර්ම අමාත්‍ය දුමින්ද දිසානායක සහ ප්‍රාථමික කර්මාන්ත අමාත්‍ය දයා ගමගේ යන අමාත්‍යවරුන් ද, තානාපතිවරුන් හා මහකොමසාරිස්වරු ඇතුළු විශාල පිරිසක් මෙම අවස්ථාවට සහභාගිවීමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
