පළාත් සභා සහ පළාත් පාලන අමාත්‍යාංශය විසින් මාතලේ, වව්නියාව, කොළඹ, යාපනේ සහ අම්පාර දිස්ති‍්‍රක්කවල ගිණි නිවන ඒකක සඳහා ගිණි නිවන රථ හා ගිලන් රථ බෙදා දීම සංකේතවත් කරමින් එහි යතුරු භාරදිම ඊයේ (22) ජනාධිපති කාර්යාලයේදී ජනාධිපති මෛතී‍්‍රපාල සිරිසේන මැතිතුමා අතින් සිදු විය.
එකක් රුපියල් මිලියන 34 ක් වටිනා ගිණි නිවන රථ දෙකක් සහ එකක් මිලියන 9 ක් වටිනා ගිලන් රථ 05 ක් මෙලෙස එම දිස්ති‍්‍රක්ක වෙත බෙදා දී තිබේ.
පළාත් සභා සහ පළාත් පාලන අමාත්‍ය ෆයිසර් මුස්තාෆා, රාජ්‍ය අමාත්‍ය පි‍්‍රයංකර ජයරත්න, පළාත් සභා සහ පළාත් පාලන අමාත්‍යාංශයේ ලේකම් කමල් පද්මසිරි යන මහත්වරුන් සහ නාගරික කොමසාරිස්වරුන් ඇතුළු රාජ්‍ය නිළධාරින් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
