1814 වසරේ ආරම්භ කෙරුණු මඩකලපුව මෙතෝදිස්ත විද්‍යාලය ලංකාවේ පළමු ඉංගී‍්‍රසි විද්‍යාලයයි. එංගලන්තයේ සිට පැමිණි මෙතෝදිස්ත මිෂනාරිවරයෙකු වූ විලියම් ඕල්ට් පියතුමා මෙහි නිර්මාතෘවරයා වන අතර 1963 වසරේ දී රජයේ විශේෂ නීතිය යටතේ මෙතෝදිස්ත විද්‍යාලය රජයට පවරා ගැනිණි.
අද වන විට ශිෂ්‍යයින් 1800 ක් පමණ මෙම විද්‍යාලයේ අධ්‍යාපනය ලබන අතර රටේ ක්ෂේත‍්‍ර රැසක මහඟු මෙහෙවරක් ඉටු කරන උගතුන් සහ බුද්ධිමතුන් විශාල පිරිසක් පාසලින් බිහිව ඇත.
අද පස්වරුවේ විද්‍යාලය වෙත ගිය ජනාධිපතිතුමා එහි සිසු දරුවන් විසින් මහත් සෙනෙහසින් යුතුව පිළිගත්හ.
අනතුරුව ජනාධිපතිතුමා සැමරුම් උත්සවයට සහභාගී විය.
විදුහල්පති ජේ.ආර්.පී. විමලරාජ් මහතා ඇතුළු ආචාර්ය මණ්ඩලය, දෙමාපියන්, ආදි සිසුන් ඇතුළු පිරිසක් සැමරුම් උත්සවයට එක්ව සිටියහ.
