අතීතයේ පටන් සමීප මිතුරන් ලෙස කටයුතු කළ ඉන්දියාවේ සහ ශී‍්‍ර ලංකාවේ සබඳතා නව මාවතකට ගෙන යමින් ජනාධිපති මෛතී‍්‍රපාල සිරිසේන මැතිතුමාගේ නායකත්වය යටතේ දෙරට දිගු ගමනක් යනු ඇති බව ඉන්දීය පදනම පෙන්වා දෙයි.
ඉන්දීය පදනමේ නියෝජිතයින් සහ ජනාධිපති මෛතී‍්‍රපාල සිරිසේන මැතිතුමා අතර හමුවක් ඊයේ (13) පස්වරුවේ පැවැත්වුණු අතර එහිදී එම නියෝජිතයින් මේ බව පෙන්වා දුන්හ.
ඉන්දීය පදනමේ ධර්මේන්ද්‍ර ප‍්‍රතාප්, ඉන්දීය අග‍්‍රාමාත්‍ය කාර්යාලයේ රාජ්‍ය අමාත්‍ය ජිතේන්ද්‍ර සිං, භාරතීය ජනතා පක්ෂයේ ලේකම් රාම් මාධව් යන මහත්වරුන් සහ ඉන්දීය පාර්ලිමේන්තුවේ හිටපු මන්තී‍්‍රවරුන් ඇතුළු පිරිසක් මෙම හමුවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
