මේ අනුව අදාළ සිදුවීමෙන් පූර්ණ ආබාධිත, අර්ධ ආබාධිත සහ තුවාල ලබා ප‍්‍රතිකාර සඳහා රෝහල්ගත වූ ගම්පහ ප‍්‍රාදේශීය ලේකම් කොට්ඨාශයට අයත් පුද්ගලයින් 24 දෙනෙකු සහ මහර ප‍්‍රාදේශීය ලේකම් කොට්ඨාශයට අයත් පුද්ගලයින් 9 දෙනෙකු වෙනුවෙන් ලබන 08 වනදා ජනාධිපතිතුමා අතින් මෙම වන්දි මුදල් ප‍්‍රදානය කිරීමට නියමිතය.
රතුපස්වල සිදුවීමෙන් තුවාල ලැබූ පුද්ගලයින්ට සාධාරණය ඉටු කිරීම සඳහා පසුගිය සති කිහිපය තුළ ජනාධිපතිතුමා සිය විශේෂ අවධානය යොමු කර කටයුතු කළ අතර ඒ පිළිබඳ සොයා බලා අවශ්‍ය නිර්දේශ ඉදිරිපත් කිරීම සඳහා ගම්පහ දිස්ති‍්‍රක් ලේකම්වරයාගේ ප‍්‍රධානත්වයෙන් කමිටුවක් ද පත් කර තිබිණි.
එම කමිටුවේ නිර්දේශ මත මෙම වන්දි ප‍්‍රදානය සිදු කෙරේ.
