“යහජීවනයේ වියන බදිමු” තේමාව යටතේ වයඹ ප්‍රධාන අමාත්‍ය කාර්යාලය විසින් සංවිධානය කර තිබූ මෙම වැඩසටහනේදී ” යහජීවනයෙන් – සහජීවනයට” වයඹ පළාත් පස් අවුරුදු සැලැස්ම එළිදැක්වීමද සිදු වූ අතර එහි පළමු පිටපත වයඹ පළාත් ආණ්ඩුකාර අමරා පියසීලි රත්නායක, ප්‍රධාන අමාත්‍ය ධර්මසිරි දසනායක යන මහත්ම මහත්මීන් විසින් ජනාධිපතිතුමා වෙත පිළිගැන්වීය.
එමෙන්ම පුනර්ජනනීය බලශක්ති සංවර්ධනය සඳහා වූ වයඹ පළාත් සැලැස්ම, වයඹ පළාත් පරිසර ක්‍රියාකාරි සැලැස්ම, මත්ද්‍රව්‍ය නිවාරණය හා පාලනය සඳහා වූ වයඹ පළාත් ඒකාබද්ධ සැලැස්ම, ආහාර නාස්තිය අවම කිරීමේ පස් අවුරුදු සැලැස්ම, සෞඛ්‍ය ක්ෂේත්‍රයේ තුන් අවුරුදු සැළැස්ම හා ආහාර නිෂ්පාදන ජාතික වැඩසටහනේ වයඹ පළාත් සැලැස්ම මෙහිදී ජනාධිපතිතුමා වෙත පිළිගන්වන ලදී.
පළාතේ මැති ඇමතිවරුන් පිරිසක් මෙම අවස්ථාවට එක්ව සිටියහ.
