ලෝතා පෞද්ගලික සමාගමට අයත් හෑල්ලූම් රෙදි කර්මාන්ත ශාලාවක් ජනාධිපතිතුමා අතින් පළමුව විවෘත කෙරුණු අතර සමරු ඵලකය නිරාවරණය කර කර්මාන්ත ශාලාව විවෘත කළ ජනාධිපතිතුමා එහි නිරික්ෂණ චාරිකාවක ද නිරත විය.
නැගෙනහිර ඇගළුම් කර්මාන්ත ශාලාව ඉන් අනතුරුව ජනාධිපතිතුමා අතින් විවෘත කෙරිණි.
නැගෙනහිර අබ්දුල් කාදල් විද්‍යාලයේ දරුවන්ට පාසල් උපකරණ කට්ටල ඛෙදාදීම ද ජනාධිපතිතුමා අතින් සිදු වූ අතර එම්.එස්. රම්ෂානි දියණිය විසින් නිර්මාණය කරන ලද ජනාධිපතිතුමාගේ සේයා රුවක් ද ජනාධිපතිතුමා වෙත පිළිගැන්වීය.
අමාත්‍ය රවුෆ් හකීම්, නැගෙනහිර පළාත් ආණ්ඩුකාර ඔස්ටින් ප්‍රනාන්දු, ප්‍රධාන අමාත්‍ය නසීර් අහමඩ් මහතා ඇතුළු පළාතේ මහජන නියෝජිතයින් රැසක් මෙම අවස්ථාවට එක්ව සිටියහ.
