බෙල්ජියමේ පිලිප් රජු වෙත විශේෂ පණිවිඩයක් යොමු කරමින් ජනාධිපතිතුමා ප‍්‍රකාශ කළේ ත‍්‍රස්තවාදින් විසින් සිදු කළ මෙම නිවට සහ ම්ලේච්ඡ ප‍්‍රහාරය පිළිබඳ පුවත අසා තමා ඉතා කම්පාවට පත් වූ බවත් පුද්ගලිකවත්, ශී‍්‍ර ලාංකීය ජනතාව වෙනුවෙනුත් බෙල්ජියම් රජය සහ ජනතාව වෙත සිය බලවත් ශෝකය පළ කරන බවත්ය.
මෙවැනි ම්ලේච්ඡ ප‍්‍රහාරයන් සමස්ත ලෝක වාසී ජනතාව විසින්ම හෙළා දකිනු ඇති බවත්, සියලුම ආකාරයේ ත‍්‍රස්තවාදී ව්‍යාපාරයටන්ට එරෙහිව සාමුහිකව විසඳුම් සෙවීමේ අවශ්‍යතාවය මෙම ප‍්‍රහාරය සමඟ අපට නැවතත් සිහිපත් කර දෙන බවත් ජනාධිපතිතුමා සිය පණිවිඩයේ වැඩිදුරටත් සඳහන් කර තිබේ.
දශක තුනක් පුරාවට ම්ලේච්ඡ ත‍්‍රස්තවාදයෙන් බැට කෑ ජාතියක් ලෙස ත‍්‍රස්තවාදයට පිටුදැකීම සඳහා හැකි සෑම සහයක්ම ලබා දීමට සුදානම් බවද සඳහන් කරන ජනාධිපතිතුමා මෙම ප‍්‍රහාරයෙන් මිය ගිය සියලුදෙනා වෙත තම ශෝකය පළ කරන බවත්, තුවාල ලැබූ සිවිල් වැසියන් වෙත ඉක්මන් සුවය ප‍්‍රාර්ථනා කරන බවද සඳහන් කර තිබේ.
