ජර්මනිය හා ශ්‍රී ලංකාව අතර ආර්ථීක හා වෙළෙද සහයෝගීතාවය තවදුරටත් ශක්තිමත් කරගැනීමේ අරමුණින් රාජ්‍ය සංචාරයක් සඳහා දිවයිනෙන් පිටත්ව ගිය ජනාධිපති මෛත්‍රීපාල සිරිසේන මැතිතුමා ශ්‍රී ලංකා වේලාවෙන් අද(16) පෙරවරුවේ ටෙගල් (Tegal) - ජාත්‍යන්තර ගුවන් තොටුපළින් ජර්මනියට ළගාවිය.
ගුවන්තොටුපළේදී ජර්මන් රජයේ ප්‍රධාන සංධාන නිළධාරී ජර්ගෙන් ක්‍රිස්ටියන් මර්ටෙන්ස් (Jurgen Christian Mertens) - මහතා සහ ජර්මනියේ ශ්‍රී ලංකා තානාපති කරුණාතිලක අමුණුගම මහතා ඇතුඑ තානාපති නිළධාරීන් විසින් ජනාධිපතිතුමා පිළිගනු ලැබූ අතර ජනාධිපතිතුමා නවාතැන්ගත් හෝටලයේදී ද විශේෂ පිළිගැනීමේ උත්සවයක් සංවිධානය කර තිබිණි.
ජනාධිපතිතුමා සමග පිටත්ව ගිය ශ්‍රී ලංකා දූත පිරිසට අමාත්‍යවරුන් වන මංගල සමරවීර, මලික් සමරවික්‍රම, මහින්ද සමරසිංහ, දයා ගමගේ යන මහත්වරුන්ද එක්ව සිටිති.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
