මෙවර අයවැය යෝජනා මගින් මද්‍යසාර ප‍්‍රතිශතය 5% ට අඩු බියර් ආනයනයේදී අඩුකළ බදු මුදල නැවත වැඩිකරන ලෙස ජනාධිපති මෛත‍්‍රීපාල සිරිසේන මැතිතුමා මුදල් අමාත්‍යවරයාට උපදෙස් දී ඇත.
බියර් වර්ග ආනයනයේදී පැවති බදු වල විෂමතාවය මගහැරවීම සඳහා මුදල් අමාත්‍යාංශය විසින් සැර අඩු බියර් ලීටරයකට පනවා තිබූ බදු මුදල රුපියල් 190 සිට 160 දක්වා පහළ දැමීමට කටයුතු කර තිබිණි.
එමගින් සැර අඩු බියර් වර්ග ප‍්‍රවර්ධනය සඳහා පෑදෙන ඉඩකඩ සැලකිල්ලට ගෙන මෙම බියර් ආනයන බදු අඩුකිරීම නැවත ඉහළ දමන ලෙස ජනාධිපතිතුමා මුදල් අමාත්‍ය රවී කරුණානායක මහතාට උපදෙස් ලබා දී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
