සුළුතර ආණ්ඩුවක් වුවත් 19 වන ආණ්ඩුක්‍රම ව්‍යවස්ථා සංශෝධනය ජයග්‍රහනය කිරීම පිළිබඳව සතුටට පත් වන බවත් ජනාධිපතිතුමා ජනතාවට ලබාදුන් පොරොන්දුව ඒ අයුරින් ම ඉටු කළ බව ආණ්ඩුපක්ෂයේ ප්‍රධාන සංවිධායක, ජනමාධ්‍ය හා ප්‍රවෘත්තී අමාත්‍ය ගයන්ත කරුණාතිලක මහතා පැවසී ය.
19 ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්මත වීමෙන් අනතුරුව ඊයේ (28) පාර්ලිමේන්තුවේ දී මාධ්‍ය අමතමින් අමාත්‍යවරයා මේ බව පැවසී ය.
අද ශ්‍රී ලංකා පාර්ලිමේන්තුවට සුවිශේෂී දිනයක්. මේ සඳහා ජනාධිපතිතුමා,අගමැතිතුමා විශාල කැපවීමක් කළා.කිසිම නායකයෙක් තම බලය වර්ධනය කර ගත්තා මිසක් බලය අඩු කරන්නට කටයුතු කළේ නෑ. ජනාධිපති මෛත්‍රිපාල සිරිසේන මැතිතුමා ජනතාවට දුන් පොරොන්දුව ඉටුකළා යැයි අමාත්‍යවරයා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
