අමාත්‍යවරයා මේ බව ප්‍රකාශ කළේ මැග්නා කාර්ටා ගිවිසුමට වසර 800ක් පිරීම නිමිත්තෙන් බ්‍රිතාන්‍යයේ ලන්ඩන් නුවර පැවති ජාත්‍යන්තර නීති සමුළුවට සහභාගිවීමෙන් අනතුරුව අමාත්‍යවරයා ලන්ඩනයේදී බීබීසී සංදේශයේ සම්මුඛ සාකඡාවකට එක්වෙමින් ප්‍රකාශ කළ බව අධිකරණ අමාත්‍යාංශය සඳහන් කරයි.
මේ සම්බන්ධයෙන් මැතිවරණ කොමසාරිස්වරයා අදාළ හමුදාවලට ලිඛිතව දැනුම් දුන් බවත් ඒ වෙනුවෙන් පරීක්ෂණ පැවැත්වෙන අතර බරපතල කරුණුක් නිසා පොලීසිය හා නීතිපති දෙපාර්තමේන්තුවේ උපදෙස් මත කටයුතු කෙරෙන බව අමාත්‍යවරයා පෙන්වා දුන්නේය.
පසුගිය රජය සමයේ සිදු වූවා යැයි කියන දූෂණ හා වංචා සම්බන්ධයෙන් රටේ පවතින ආණ්ඩුක්‍රම ව්‍යවස්ථාවට සහ නීතියට අනුකූලව, නිසි ක්‍රම වේදයකට අනුව සොයා බලන බව ප්‍රකාශ කළ අමාත්‍යවරයා පසුගියා කාලයේ මහා පරිමාණ ව්‍යාපෘති ක්‍රියාත්මක කොට ඇත්තේ ටෙන්ඩර් පටිපාටියක් බැහැර විනිවිදභාවයකින් තොරව යැයි ද සඳහන් කළේය.
යුද්ධයේ අවසාන භාගයේ සිදු වූ බවට චෝදනා එල්ල වන යුද අපරාධ සම්බන්ධයෙන් අලුත් දේශීය පරීක්ෂණයක් පවත්වන්නේ දැයි තවම අවසාන තීරණයකට පැමිණ නැති බවත් උගත් පාඩම් කොමිසමේ නිර්දේශ ක්‍රියාවට නගමින්, ජාතීන් අතර සංහිඳියාව වෙනුවෙන් ක්‍රියාකිරීමට සිය රජයේ ප්‍රධානතම අරමුණ බවත් අමාත්‍යවරයා ප්‍රකාශ කළේය.
kpm
