මාර්තු 13 වන දින ඉන්දීය අග්‍රාමාත්‍ය නරේන්ද්‍ර මෝදි මැතිතුමා ශ්‍රී ලංකාවේ සංචාරයක නිරත වීමට නියමිත අතර ඒ සම්බන්ධ පෙරසූදානමක් ලෙස අන්‍යෝන්‍ය ද්විපාර්ශවීය සම්බන්ධතා වර්ධනය සඳහා ඉන්දීය විදේශ ඇමතිවරිය මෙලෙස ශ්‍රී ලංකාවට පැමිණෙනු ඇත.
සංචාරය අතරතුර සුෂ්මා ස්වරාජ් මහත්මිය ජනාධිපති මෛත්‍රීපාල සිරිසේන මැතිතුමා සහ අග්‍රාමාත්‍ය රනිල් වික්‍රමසිංහ මහතා ඇතුළු ජ්‍යේෂ්ඨ නිලධාරින් කිහිපදෙනෙකු සමඟ සාකච්ඡා පැවැත්වීමට නියමිතය.
ඉන්දීය අග්‍රාමාත්‍ය නරේන්ද්‍ර මෝදි මැතිතුමා සිය ශ්‍රී ලංකා සංචාරයේදී යාපනය, අනුරාධපුරය සහ මහනුවර යන ප්‍රදේශයන් හි සංචාරය කිරීමට නියමිත අතර වතු නිවාස යෝජනා ක්‍රම‍ය ද නිරීක්‍ෂණය කිරීමට නියමිතය.
වසර 25කට පසුව ඉන්දීය අගමැතිවරයෙන් මෙරට සංචාරය කරනු ලබන පළමු අවස්ථාව ලෙස ද මෙය සැලකේ.
SDF
