ලෝකයේ වැඩකරන ජනතාව සමඟ සහෝදරත්වයෙන් එක්ව ජාත්‍යන්තර කම්කරු දිනය සමරන සමස්ත ශ්රී ලාංකීය වැඩකරන ජනතාවට ශුභ පැතීමට අවස්ථාවක් ලැබීම අතිශය සතුටට කරුණකි.සියලු ජාතීන් එකමුතුකම තහවුරු කිරීමේ සහ මිත්‍රත්වයෙන් එකිනෙකා අත්වැල් බැඳගන්නා මහඟු අවස්ථාවක් එළඹෙන මෙම මැයි දිනය සියලු ජාති, ආගම් භේද, කුලමල භේද පසෙකලා වැඩ කරන ජනතාවගේ එකමුතුකම ප්‍රදර්ශනය කෙරෙන සුවිශේෂී දිනයක් ලෙස ඉතිහාස ගත වී ඇත.
අතිගරු ජනාධිපති මහින්ද රාජපක්ෂ මැතිතුමා කෙරෙහි වැඩ කරන ජනතාව තබා ඇති විශ්වාසය තුළින් සීග්‍ර සංවර්ධනයක් කරා පිය නගන ශ්රී ලංකාවේ අනාගතය සෞභාග්‍යමත් කර ගැනීමටත්, කම්කරු ජනතාවගේ ඩහදිය, ලේ, කඳුළු මතින් ලබා ගත් කම්කරු අයිතීන් සුරක්ෂිත කර ගැනීමටත් මෙම මැයි දිනය උපයෝගි වේවායි! ඉත සිතින් ප්‍රාර්ථනා කරමි.
දි.මු. ජයරත්න
අග්‍රාමාත්‍ය
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
