පරිසර හිතකාමී අයුරින් ඉදිකිරීම් කටයුතු සිදු කරන්නන් අගය කිරීම සඳහා ශ්‍රී ලංකා හරිත ඉදිකිරීම් කවුන්සිලය මඟින් ප්‍රථම වරට මෙම සම්මාන ප්‍රදානය කිරීම සිදු කෙරේ. මෙහිදී ප්‍රධාන වශයෙන් කාණ්ඩ 04ක් යටතේ සම්මාන ප්‍රදානය කිරීම සිදු කෙරෙන අතර, ශ්‍රී ලංකා හරිත ඉදිකිරීම් කවුන්සිලය මගින් අනුගත වූ සංවිධාන ඇගයීම, හරිත ඉදිකිරීම් සඳහා ක්‍රමෝපායන් සලසන ආයතන ඇගයීම, හරිත ඉදිකිරීම් සඳහා පුරෝගාමී වූ ව්‍යවසායකයින් ඇගයීම හා හරිත ඉදිකිරීම් සිදුකරන කොන්ත්‍රාත්කරුවන් ඇගයීම ඒ අතර වේ. මේ වසරේ දී ලෝක වෙළෙඳ මධ්‍යස්ථානය, හැටන් නැෂනල් බැංකුව ඇතුළු සංවිධාන 07ක් තරග වදින අතර රන්, රිදී හා ප්ලැටිනම් යන කාණ්ඩ යටතේ සම්මාන ප්‍රදානය සිදුවේ.
ECB
