අද උදෑසන 05.30ට නිකුත් කරන ලද කාලගුණ අනාවැකියට අනුව විශේෂයෙන් අපරභාගයේදී සහ රාත්‍රී කාලයේදී සෙසු ප්‍රදේශවලටද වැසි හෝ ගිගුරුම් සහිත වැසි ඇති වේ.

ගිගුරුම් සහිත වැසි ඇති වන විට එම ප්‍රදේශවල තාවකාලික ව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ප්‍රධාන නගර සඳහා කාලගුණ අනාවැකිය

කොළඹට ගාල්ලට රත්නපුරයට අපරභාගයේදී හෝ රාත්‍රී කාලයේ දී වැසි හෝ ගිගුරුම් සහිත වැසි ඇති වේ.

මහනුවරට නුවරඑළියට විටින් විට වැසි සහ උදෑසන කාලයේ දී මීදුම සහිත කාලගුණයක් පවතී.

අනුරාධපුරයට යාපනයට ත්‍රිකුණාමලයට මන්නාරමට මඩකළපුවට විටින් විට වැසි ඇති වේ.

උෂ්ණත්වය හා වර්ෂාපතනය

අද උදෑසන 5.30 වන විට මි.මී. 34.6ක වර්ෂාපතනයක් අනුරාධපුරයෙන් ද මි.මී. 32.7ක වර්ෂාපතනයක් බදුල්ලෙන් ද‍ මි.මී. 142.2ක වර්ෂාපතනයක් මඩකළපුවෙන් ද මි.මී. 3.7ක වර්ෂාපතනයක් හම්බන්තොටින් ද මි.මී. 15.8ක වර්ෂාපතනයක් කුරුණෑගලින් ද  මි.මී. 19.7ක වර්ෂාපතනයක් කටුගස්තොටින් ද මි.මී. 26.1ක වර්ෂාපතනයක් නුවරඑළියෙන් ද මි.මී. 9.2ක වර්ෂාපතනයක් පුත්තලමෙන් ද මි.මී. 23.2ක වර්ෂාපතනයක් වවුනියාවෙන් ද මි.මී. 2.6ක වර්ෂාපතනයක් මත්තලින් ද වාර්තා වී තිබේ. අනෙක් ප්‍රධාන නගරවලින් සැලකිය යුතු වර්ෂාපතනයක් වාර්තා වී නැත.

අද උපරිම උෂ්ණත්වය සෙල්සියස් අංශක 30.0°C ගාල්ල සහ රත්නපුරින් ද අවම උෂ්ණත්වය සෙල්සියස් අංශක 11.0°C නුවරඑළියෙන් ද අපේක්ෂා කෙරේ.

ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 31.4°C ගාල්ල ප්‍රදේශයෙන් ද අවම උෂ්ණත්වය සෙල්සියස් අංශක 13.9°C නුවරඑළියෙන් ද මි.මී. 221.2ක උපරිම වර්ෂාපතනය ගලෙන්බිඳුණු වැව හුරුළුවැව ප්‍රදේශයෙන් ද වාර්තා වී තිබේ.

HC