පානදුර ප්‍රදේශයේ පාසල් දරු දැරියන් 2,000කට පාසල් උපකරණ බෙදාදීමේ උත්සවයක් ජනාධිපති ආර්යා ශිරන්ති වික්‍රමසිංහ රාජපක්ෂ මැතිණියගේ ප්‍රධානත්වයෙන් ඊයේ (30) පස්වරුවේ පානදුර නගර ශාලාවේදී සිදු කෙරිණි.
පානදුරේ මහා කරුණා පදනම මඟින් මේ උත්සවය සංවිධානය කර තිබුණි.
මේ අවස්ථාවට එම පදනමේ සභාපති පූජ්‍ය රත්මලේ විමලකීර්ති ස්වාමීන් වහන්සේ වැඩම කර සිටි අතර අමාත්‍ය රෙජිනෝල්ඩ් කුරේ, පානදුර නගරාධිපති රියන්සි ප්‍රනාන්දු යන මහත්වරු ද එක් ව සිටියහ.
ඉන්පසු ව පානදුර ශ්‍රී ලංකා නිදහස් පක්ෂ කාර්යාලය විවෘත කිරීමට ද සහභාගී වූ ජනාධිපති ආර්යාව එහිදී ද පානදුර ප්‍රදේශයේ 5 වසර ශිෂ්‍යත්ව විභාගය සමත් වූ සිසු දරු දැරියන් පිරිසක් වෙත ත්‍යාග ප්‍රදානය කිරීමට එක් වූවාය.
NDH/pmu-Lalith Walivitigoda
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
