ශ්‍රී ලංකා නව නිපැයුම්කරුවන්ගේ කොමිසම (SLSI) විසින් තෙවන වරටත් සංවිධානය කරනු ලබන "සහසක් නිමැවුම්" ජාතික නව නිපැයුම් ප්‍රදර්ශනය ලබන 31 දින සිට නොවැම්බර් 02 දක්වා ශ්‍රී ලංකා ප්‍රදර්ශන හා සම්මේලන මධ්‍යස්ථානයේදී (SLECC) පැවැත්වීමට කටයුතු සංවිධානය කොට තිබේ.
නව නිපැයුම් විශාල ප්‍රමාණයක් එක් ප්‍රදර්ශනයකදී එළි දක්වමින් සමාජගත කිරීම මඟින් ශ්‍රී ලාංකිකයන් තුළ දේශීය නව නිපැයුම් කෙරෙහි නැඹුරුවක් ඇති කරමින් ඒ ඔස්සේ නවෝත්පාදන සංස්කෘතියක් බිහිකිරීම අරමුණු කරගනිමින් "සහසක් නිමැවුම්" සංකල්පය 2012 වසරේ ක්‍රියාවට නැංවිණ.
පසුගිය වසරේ සහසක් නිමැවුම් ප්‍රදර්ශනය හා තරගයට ඉදිරිපත් වී අනපේක්ෂිත ව ඇති වූ ගින්නෙන් තම නිර්මාණ විනාශයට පත් වූ නිර්මාණකරුවන්ට මෙවර සහසක් නිමැවුම් ප්‍රදර්ශනය සඳහා ප්‍රමුඛස්ථානය ලබාදී තිබේ.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
