ඒ අනුව ජාතික හැඳුනුම්පත, වලංගු විදේශ ගමන් බලපත්‍රය, වලංගු රියැදුරු බලපත්‍රය, රාජ්‍ය සේවා විශ්‍රාමික හැඳුනුම්පත, වැඩිහිටි හැඳුනුම්පත, පුද්ගලයන් ලියාපදිංචි කිරීමේ දෙපාර්තමේන්තුව මගින් නිකුත් කරනු ලබන පූජක හැඳුනුම්පත හෝ මැතිවරණ දෙපාර්තමේන්තුව මගින් නිකුත් කළ තාවකාලික හැඳුනුම්පත ආදී ලියවිල්ලක් ඉදිරිපත් කිරීමෙන් ඡන්ද ප්‍රකාශ කිරීම සඳහා අනන්‍යතාව තහවුරු කළ හැකිය. මෙම ලියවිලි හැරුණු කොට වෙනත් කිසිදු ලියවිල්ලක් මගින් අනන්‍යතාව තහවුරු කළ නොහැක.
පසුගිය මැතිවරණ සඳහා නිකුත් කළ තාවකාලික හැඳුනුම්පත් ද මෙවර මැතිවරණය සඳහා වලංගු නො වේ. පවතින හැඳුනුම්පත දුර්වර්ණ වීම නිසා අපහැදිලිව හෝ පුද්ගලයා හඳුනාගත නොහැකි නම් එබඳු ඡන්ද හිමියන් මැතිවරණ දෙපාර්තමේන්තුව මගින් නිකුත් කරනු ලබන තාවකාලික හැඳුනුම්පතක් ලබාගත යුතුය.
DB
