එම චිත්‍ර තරගයේ ත්‍යාග ප්‍රදනෝත්වය ජූනි 23 සිට 27 දින දක්වා කෙන්යාවේ නයිරෝබි නුවර එක්සත් ජාතීන්ගේ පාරිසරික මූලස්ථානයේදී පැවැත්වේ. ඒ සඳහා සහභාගිවීමට ජයග්‍රහණය කළ ශිෂ්‍යාව වෙත ගුවන් ටිකට්පත පිරිනැමීම අධ්‍යාපන අමාත්‍ය බන්දුල ගුණවර්ධන මහතා අතින් පසුගියදා අධ්‍යාපන අමාත්‍යාංශයේදී සිදු කෙරිණි.
ශ්‍රී ලංකාව නියෝජනය කරමින් මෙම තරගය සඳහා චිත්‍ර 2500ක් පමණ ඉදිරිපත් කර ඇත. ආසියානු ශාන්තිකර කලාපයේ චිත්‍ර තරගය සඳහා චිත්‍ර 63,700ක් ඉදිරිපත් කර තිබිණි. මෙ සංචාරය සඳහා ගුවන් ටිකට්පත් ඇතුළු සියලු වියදම් සංවිධායකයන් විසින් දරනු ලබන අතර මෙම ත්‍යාග ප්‍රදානොත්සවයේදී ඇයට ඇමෙරිකන් ඩොලර් 1000ක ත්‍යාග මුදලක් ද ලැබීමට නියමිතය.
අධ්‍යාපන අමාත්‍යාංශයේ ලේකම් අනුර දිසානායක මහතා, අධ්‍යාපන අමාත්‍යාංශයේ යුනෙස්කෝ ශාඛාවේ ලේකම් ජනරාල් ධම්මිකා විජයසිංහ මෙනවිය හා කොළඹ විශාඛා විද්‍යාලයේ විදුහල්පතිනී සඳමාලී අවිරුප්පොල මහත්මිය ඇතුළු පිරිසක් මෙම අවස්ථාවට එක්ව සිටියහ.
NDH/kpm
