මෙම සමාගම 2014 වසරේ දී රුපියල් මිලියන 211ක අලාභයක්ද, 2015 වසරේ රුපියල් මිලියන 1030ක අලාභයක් ද ලබා ඇත.
2014 දී උක්ගස් මෙට්‍රික් ටොන් 4,10,523ක්ද, 2015 උක්ගස් මෙට්‍රික් ටොන් 5,57,747ක්ද, 2016 මුල් මාස 09කදී උක්ගස් මෙට්‍රික් ටොන් 5,61,067ක් ද සීනි නිෂ්පාදනය සඳහා භාවිත කොට ඇත.
ලංකා සීනි සමාගම වෙත මෙවැනි ලාභයක් උපයාගත හැකි වූයේ නිවැරදි කළමනාකරණයත්, දූෂණය හා නාස්තිය පිටුදැකීම නිසා බවද සභාපතිවරයා පවසයි. එසේම මෙහිදී විෂය භාර අමාත්‍ය රිෂාඩ් බදියුදීන් මහතාගේ මගපෙන්වීම හා උපදෙස් ලංකා සීනි සමාගමේ සාර්ථකත්වයට හේතු වූ බවද සභාපතිවරයා පෙන්වා දෙයි.
එමෙන් ම මෙම සමාගම විසින් ලබන වසරේ දී තවත් සීනි කර්මාන්ත කිහිපයක් ඇරඹීමට අමාත්‍යවරයා උපදෙස් දී ඇති බවත් සමාගම ලබන ලාභය ඉදිරි වසරේ දී තවත් වැඩිකර ගැනීමට අමාත්‍යවරයාගේ මගපෙන්වීම මත තමා සැලසුම් සකස් කරගෙන යන බවද සභාපතිවරයා වැඩිදුරටත් පැවසීය.
පැලවත්ත හා සෙවනගල සීනි කර්මාන්ත ශාලා දෙක දැනට මෙම සමාගම යටතේ ක්‍රියාත්මක වේ. මෙම සමාගමින් ගොවි පවුල් 25000ක් පමණ යැපෙති. එමෙන් ම මෙවර මෙම සමාගම උක් අක්කර 33000ක් වගා කර තිබේ.
