මීට අමතරව මහනුවර ඇහැලේපොල වලව්ව සංවර්ධනය කොට සංරක්ෂණය කිරීම සදහා රුපියල් මිලයන 140 ක මුදලක් වෙන් කොට ඇති අතර, බෝගම්බර පැරණි සිරි මැදිරිය පිහිටි භූමියද සංරක්ෂණය කිරීම ආරම්භ කොට තිබේ. එහි පළමු අදියර සදහා පමණක් රුපියල් මිලියන 10 ක මුදලක් වෙන්කොට තිබේ.
කඩුගන්නාව ගල විදින ලද ස්ථානය ආසන්නයේ ඇති ඩෝසන් කුළුණ අසල භූමියද සංවර්ධනය කොට වඩාත් අලංකාරවත් පරිදි සකස් කිරීමට කටයුතු යෙදා තිබේ. කොළඹ මහනුවර මාර්ගය තැනීමට මූලිකත්වය ගත් කැප්ටන් ඩෝසන් නැමති ඉංජිනේරුවා සිහිවීම පිණිස ඉදි කර ඇති මෙම කුළුණ සංචාරකමය වශයෙන්ම මෙන්ම ඓතිහාසික වශයෙන්ද වටිනා ස්ථානයකි. මෙම ස්ථානයේ සංවර්ධන කටයුතු සදහා රුපියල් මිලියන 20 ක මුදලක් නාගරික සංවර්ධන අධිකාරිය මගින් වැය කරනු ලබයි.
අදාල ව්‍යාපෘති සියල්ල මෙම වසර අවසන් වන විට අවසන් කර ගත හැකි බව පැවසූ නාගරික සංවර්ධන අධිකාරියේ මහනුවර දිස්ත්‍රික් කාර්යාලයේ නියෝජ්‍ය අධ්‍යක්ෂ (සැලසුම්) එච්.එම්. සෝමරත්න මහතා මෙම ව්‍යාපෘතිද ඇතුළුව නාගරික ව්‍යාපෘති 11 ක් නාගරික සංවර්ධන අධිකාරිය මගින් මහනුවර නගරය තුළ ක්‍රියාත්මක කරන බව පැවසීය. මෙම සමස්ථ ව්‍යාපෘති සදහා මිලියන 515 කට අධික මුදලක් නාගරික සංවර්ධන අධිකාරිය මගින් මෙම වසර තුළ යොදවන බවද ඔහු වැඩි දුරටත් පැවසීය.
AP
