දකුණු කොරියාවේ ධීවර අංශයේ රැකියා බලාපොරොත්තුවන තරුණ තරුණියන් සඳහා පරිගණක ආශි‍්‍රතව පැවැත්වෙන විභාග දිනයන් අගෝස්තු මස 02 දා සිට විදේශ සේවා නියුක්ති කාර්යාංශයේ www.slbfe.lk යන වෙබ් අඩවියේ පළකෙරේ.
එසේම ලිඛිත ක‍්‍රමයට පවත්වන නිෂ්පාදන අංශයේ රැකියා සඳහා විභාග පැවැත්වෙන දිනයන් සැප්තැම්බර් මස 23 දා සිට වෙබ් අඩවියේ පළකෙරේ. අයදුම්කරුවන්ගේ විභාග දිනයන්, වේලාවන් හා මධ්‍යස්ථානයන් එමගින් බලාගත හැකිය.
පළමු වරට පැවැත්වෙන පරිගණක ආශි‍්‍රත ධීවර අංශයේ රැකියා සඳහා කොරියානු භාෂා ප‍්‍රවීනතා විභාගය අගෝස්තු මස 09 දින ආරම්භ වේ. නිෂ්පාදන අංශය සඳහා විභාගය ඔක්තෝම්බර් මස 01 හා 02 යන දෙදින පැවැත්වේ. එම ක්ෂේත‍්‍ර දෙකෙහිම ප‍්‍රථිපල ඔක්තෝම්බර් මස 12 දින නිකුත් කිරීමට නියමිතය.
AP
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
