වර්තමානයේ විශ්වවිද්‍යාල ක්ෂේත‍්‍රය තුළ පවතින ගැටලු නිරාකරනය පිළිබඳ විශේෂ සාකච්ඡාවක් අමාත්‍යවරයාගේ ප්රධානත්වයෙන් විශ්වවිද්‍යාල ප‍්‍රතිපාදන කොමිෂන් සභාවේ නිලධාරීන් සහ උපකුලපතිවරුන්ගේ සහභාගීත්වයෙන් ඊයේ (30) දින විශ්වවිද්‍යාල ප‍්‍රතිපාදන කොමිෂන් සභාවේ දී පැවති අතර එහිදී අමාත්‍යවරයා මෙම උපදෙස් ලබා දී තිබේ.
එහිදී ශිෂ්‍ය නේවාසිකාගාර ගැටලු, මහපොළ ඇතුළු ශිෂ්‍ය දීමනා පිලිබඳ පවතින ගැටලු අමාත්‍යවරයාගේ විශේෂ අවධානය යොමු වූ අතර අනුව ශිෂ්‍යයින්ට හිමි මහපොළ දීමනා කඩිනමින් ලබා දෙන ලෙසත් එය ශිෂ්‍යයින්ට විශාල සහනයක් වනු ඇති බවත් අමාත්‍යවරයා නිලධාරීන්ට පෙන්වා දුන්නේය.
වැඩිදුරටත් අදහස් දැක්වූ අමාත්‍යවරයා කඩිනමින් මහපොළ ශිෂ්‍යාධාර ලැයිස්තු විශ්වවිද්‍යාල වෙත ලබා දීමට කටයුතු කරන ලෙස විශ්වවිද්‍යාල ප‍්‍රතිපාදන කොමිෂන් සභාව වෙත උපදෙස් ලබා දුන් අතර එතෙක් ශිෂ්‍යාධාර මුදල් නොකඩවා ශිෂ්‍යයින් වෙත ලබාදෙන ලෙස උපකුලපතිවරුන් දැනුවත් කළේය.
මෙම අවස්ථාවට විශ්වවිද්‍යාල ප‍්‍රතිපාදන කොමිෂන් සභාවේ උපසභාපති මහාචාර්ය පී.එස්.එම්.ගුණරත්න මහතා, විශ්වවිද්‍යාල උපකුලපතිවරුන් ඇතුළු විශ්වවිද්‍යාල ප‍්‍රතිපාදන කොමිෂන් සභාවේ උසස් නිලධාරීන් පිරිසක් සහභාගී වූහ.
