පවතින අයහපත් කාළගුණික තත්ත්වය හේතුවෙන් පාසල් පැවැත්වීම සම්බන්ධ තීරණ ගැනීමේ වගකීම පළාත් සහ කලාප අධ්‍යාපන අධ්‍යක්ෂවරුන් වෙත පවරන ලෙස අධ්‍යාපන අමාත්‍ය අකිල විරාජ් කාරියවසම් මහතා නිලධාරීන්ට උපදෙස් ලබා දී ඇත.
ඒ අනුව අයහපත් කාළගුණ තත්ත්වය හේතුවෙන් දැඩි බලපෑමකට ලක්ව ඇති පාසල්වල විදුහල්පතිවරුන්ට තම පාසල් පිළිබඳ පළාත් අධ්‍යාපන අධ්‍යක්ෂවරයාට හෝ කලාප අධ්‍යාපන අධ්‍යක්ෂවරයාට හෝ දැනුම් දී ඔවුන්ගේ උපදෙස් අනුව ඉදිරි පියවර ගැනීමට අවස්ථාව ලැබේ.
මේ වනවිට දිවයිනේ ප‍්‍රදේශ රැසකට ඇද හැලෙන වර්ෂාව හේතුවෙන් නායයම්, පස්කඳු කඩා වැටීම් සහ ගංවතුර වැනි ආපදා තත්ත්වයන් වාර්තා වී ඇති අතර මේ තත්ත්වය මත පාසල් සිසුන්ගේ සහ ගුරුවරුන්ගේ ආරක්ෂාව වෙනුවෙන් අවශ්‍ය තීරණ ගන්නා ලෙස ද අමාත්‍යවරයා වැඩිදුරටත් උපදෙස් ලබා දී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
