ලොව මැයි දිනය සැමරීම තුළින් සිය අසහාය ගරුත්වය පිරිනමන්නේ දහදිය කඳුළට බවත් එදිනට පෙළගැසෙන හැම ධජයක්ම ඉහළට එසැවෙන්නේ ජීවරුධිරයෙන් ප්‍රාණය ලැබූ ආශ්චර්යයවත් දහදිය කඳුළට ප්‍රණාමය පළ කරනු පිණිසයයි ද සිය පණිවිඩයෙන් ජනාධිපතිතුමා පෙන්වා දෙයි.
නිෂ්පාදනය නම් දැවැන්ත යාන්ත්‍රණය ක්‍රියාත්මක වන්නේ කම්කරු ශ්‍රමය නම් කුඩා දැති රෝදයන්ගේ සාමූහික ක්‍රියාකාරිත්වය තුළින් බව පෙන්වා දෙන ජනාධිපතිතුමා ලෝකය ඉදිරියට තබන සෑම පියවරක් පාසාම කවර හෝ ශ්‍රමිකයෙකුගේ වෙහෙස මහන්සිය විසින් වැගිරූ දහදිය කඳුළක තෙතමනය සලකුණු වී තිබෙන බව ද සඳහන් කරයි.
සමස්ත කම්කරු ජනතාවට ජයග්‍රහණහී මෙන්ම තම අයිතීන් සුරක්ෂිරත වන උණුසුම් මැයි දිනයක් වේවායි ජනාධිපතිතුමා ප්‍රාර්ථනා කර සිටි.
