එම එන්නත භාවිතයට සුදුසු නම් ජාතික ඖෂධ නියාමන අධිකාරියේ ලියාපදිංචි කරන ලෙස එම අධිකාරියේ වැඩබලන ප‍්‍රධාන විධායක නිලධාරි වෛද්‍ය කමල් ජයසිංහ මහතාට උපදෙස් ලබා දී ඇත.
මෙම ප්රතිශක්තීකරණ එන්නත පිළිබඳව ශ‍්‍රී ලංකාවේ සිටින ප‍්‍රංශ තානාපතිවරයා පසුගියදා සෞඛ්‍ය අමාත්‍යවරයා දැනුවත් කර තිබේ. මෙම එන්නත දැනට විදේශීය රටවල් 04 ක භාවිතා කරනු ලබයි.
සෞඛ්‍ය අමාත්‍යවරයා මේ බව ප්රකාශ කළේ පසුගියදා පැවති ආයතන ප‍්‍රධානීන්ගේ රැස්වීමේ දීය. එහිදී ඩෙංගු රෝග මර්දනය සඳහා විධිමත් සැළැස්මක් සකස් කරන ලෙස ද සෞඛ්‍ය අමාත්‍යවරයා ඩෙංගු මර්දන ව්‍යාපාරයේ අධ්‍යක්ෂවරයාට දැනුම් දුන්නේය.
ඒ මහතා ප්රකාශ කළේ එම ව්‍යාපාරයේ ක්ෂේත‍්‍ර රාජකාරී සදහා සේවක සේවිකාවන් 1000 ක් බදවා ගැනීමට අවශ්‍ය කැබිනට් පත‍්‍රීකාව සකස් කරන ලෙසයි.
