ජල විදුලිබලාගාර ආශ්රිත ජලාශවල ජල මට්ටම් වැසි නොලැබීම හේතු කොටගෙන ඉදිරියේදී අඩු වුවහොත් එය ජාතික විදුලිබල පද්ධතියට බලනොපාන අන්දමින් කළමනාකරණය කිරීමට කටයුතු කරන බව විදුලිබල හා පුනර්ජනනීය බලශක්ති අමාත්‍ය රංජත් සියඹලාපිටිය මහතා ප‍්‍රකාශ කළේය.
ඒ මහතා මේ බව ප‍්‍රකාශ කළේ නැගෙනහිර පළාතේ පාසල් බලශක්ති සමාජ පිහිටුවීමේ උත්සවයට වව්නියාව නගර ශාලාවේ දී එක්වෙමිනි.
දිනකට මෙගාවොට් 2200ක පමණ ඉල්ලුමක් පවතින නමුත් මේ දිනවල ඒ තත්වය ඒකක 200කින් පමණ වැඩි වී තිබෙන බවත් කෙසේ නමුත් එම තත්ත්වය කළමනාකරණ කරමින් තමයි අද දවසේ අපි මේ තත්වයන්ට මුහුණ දෙන බවත් අමාත්‍යවරයා සඳහන් කළේය.
සියලු දෙනාම එක්ව කැපවීමෙන් මෙගාවොට් 400ක ඉතිරි කර ගැනීමට හැකි නම් කිසිම අභියෝගයක් නැති බවත් එය ආත්මීය වගකීමක් විදියට සැලකීම ඉතා වැදගත් බවත් ඒ මහතා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
