පාර්ලිමේන්තුවේ මන්ත්‍රීවරුන්ගේ දීමනා සංශෝධනය කිරීමට රජයට යෝජනා කිරීම පිළිබඳව පසුගියදා පාර්ලිමේන්තු ගෘහ කාරක සභාව ගනු ලැබූ තීරණය මහජන අදහස් ද සැලකිල්ලට ගනිමින් යළි සලකා බැලීම සුදුසු බව පාර්ලිමේන්තුවේ ඊයේ පස්වරුවේ පැවති පක්ෂ නායක රැස්වීමේදී කථානායකවරයා පෙන්වා දුන්නේය.
සියලු පක්ෂ නායකයන්ගේ ද අදහස් විමසීමෙන් අනතුරුව, පාර්ලිමේන්තු මන්ත්‍රීවරුන්ගේ දීමනා සංශෝධනය පිළිබඳ ගෘහ කාරක සභාවේ යෝජනා වහාම අත්හිටුවීමට තීරණය කර තිබේ.
මෙම තීරණය කතානායකතුමන් විසින් රජයට දැනුම් දීම සිදු වන අතර එසේ වුවද, දැනට මාදිවෙල නිවාස සංකීර්ණයෙන් නිවාසයක් ලබා දී නොමැති මන්ත්‍රීවරුන් හත් දෙනා වෙනුවෙන් යම් සාධාරණත්වයක් ඉටු කිරීමටද සියලු දෙනාගේම එකඟත්වය පල කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
