“බරපතල වංචා, දූෂණ හා රාජ්‍ය සම්පත් වරප්‍රසාද බලය හා අධිකාරිය අනිසි ලෙස භාවිතා කිරීම සම්බන්ධයෙන් විමර්ශනය කිරීම සඳහා වූ ජනාධිපති පරීක්ෂණ කොමිෂන් සභාව පත් කරනු ලැබුවේ වසරක කාලයක් සඳහා වේ. එම කොමිෂන් සභාවේ කාලය තවත් වසරකින් දීර්ඝ කිරීමේ දී කොමිෂන් සභාවේ සභාපතිතුමා හා අනිකුත් කොමසාරිස්වරුන්ගේ සේවා කාලය ද තවත් වසරකින් දීර්ඝ කරන ලදී.
මෙම කොමිෂන් සභාවේ ලේකම්වරයාගේ සේවා කාලය මේ සමඟ ම දීර්ඝ නොකරන ලද අතර, ඇතැම් මාධ්‍ය වාර්තා කර ඇති පරිදි ලේකම් වූ ලැසිල් ද සිල්වා මහතා එම ධූරයෙන් පහ කිරීමක් හෝ ඉවත් කිරීමක් සිදුවී නොමැත.
මෙම කොමිෂන් සභාවේ වැඩ කටයුතු වඩාත් සාර්ථකව හා කාර්යක්ෂමව ඉටු කිරීම සඳහා විශ්‍රාමලත් ජ්‍යෙෂ්ඨ සිවිල් නිලධාරියෙකු වන අතුරුදන්වූවන් පිළිබ‍ඳ ජනාධිපති කොමිෂන් සභාවේ ලේකම්වරයා ලෙස කටයුතු කළ එච්.ඩබ්ලිව්.ගුණදාස මහතා පත් කරනු ලැබ ඇත.”
