සීතල රැයක ගව මඩුවක ජේසු කුමරු උපත සිදුවූ බවත් එතුමන්ට සුව පහසු යහනාවක් හෝ පළඳවන්නට සිනිඳු සේල හෝ නොතිබූ බවත් නිහඬව නිහතමානීව සිදුවූ මේ උපතේ දී අසල සිටියේ දිළිඳු ගොපලුන් බවත් කතෝලික දහමේ සඳහන් කරයි.
නත්තල තුළින් මුළු ලොවටම කියා සිටින්නේ සාමයේ පණිවිඩය යි. ජේසුස් ක්‍රිස්තුන් වහන්සේ නාසරතයේ මරියා ට දාව උපන්නේ මිනිස් සංහතිය පාපයෙන් ගලවා ගැනීමට බව කතෝලික බැතිමතුන්ගේ විශ්වාසය යි.
රජයේ ප්‍රවෘත්ති ජෙනරාල්තුමිය ඇතුළු රජයේ නිල පුවත් වෙබ් අඩවියේ කාර්ය මණ්ඩලයේ නිලධාරීන් ශ්‍රී ලංකාවාසී සැමට සාමය සතුට පිරි ශුභ නත්තලකට සුභාශිංසන ප්‍රාර්ථනා කර සිටිති.
