නව රජය පත්වීමත් සමඟ රේගුවේ ආදායම රුපියල් බිලියන 65කින් වැඩි වී තිබෙන බව සෞඛ්‍ය පෝෂණ හා දේශීය වෛද්‍ය අමාත්‍ය, කැබිනට් සම මාධ්‍ය ප්‍රකාශක රාජිත සේනාරත්න මහතා පැවසීය.
නොසිතූ ආකාරයේ විශාල මුදලක් රේගු බදු ආදායම් ලෙස ලබා ගැනීමට හැකි වීම තුළ වර්තමාන රජයේ වැඩපිළිවෙළ සාර්ථකව ඉදිරියට ගෙන යාමට හැකි වූ බව ද අමාත්‍යවරයා පෙන්වා දුන්නේ.
පාර්ලිමේන්තුවේ අද (17) පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී මාධ්‍යවේදියෙකු ඇසූ ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.
මෙම රජය යටතේ කිසිදු අවස්ථාවක රේගුවට බදු නොගෙවා මෙරටට භාණ්ඩ ගෙන ඒමට නොහැකි බව ද අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
