2015 වසරේ පොහොර සහනාධාරය සඳහා රුපියල් මිලියන 35,000 වෙන් කළ අතර 2016 වසර සඳහා රුපියල් මිලියන 37,500 ලබාදී තිබේ.
වස විෂ පොහොර භාවිතයේ විපාක මේ වන විට දක්නට ලැබෙන බව පෙන්වා දුන් අමාත්‍යවරයා පොහොර සහනාධාරය කප්පාදු කර ඇති බව විපක්ෂ කණ්ඩායම ගෙන යනු ලබන ප්‍රචාරය සම්පූර්ණ අසත්‍යක් බව ද අවධාරණය කළේය.
පාර්ලිමේන්තුවේ අද (10) පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී අමාත්‍යවරයා මේ බව සඳහන් කළේය.
ගොවියා අතට මුදල් යන ක්‍රමයක් මෙවර අයවැය තුළින් යෝජනා කර තිබෙන බවත් මෙම රජය විෂ රසායනික ද්‍රව්‍ය ගෙන්වීම නතර කිරීමට ද කටයුතු කර තිබෙන බවත් අමාත්‍යවරයා පෙන්වා දුන්නේය.
මෙම පොහොර සහනාධාරය තේ, පොල්, රබර් හා එළවළු සඳහා ද ලබා දෙන බව ඒ මහතා වැඩිදුරටත් පැවසීය.
