ලබන ජනවාරි මාසයේ දී දිවයිනට පැමිණීමට නියමිත පකිස්තාන අග්‍රාමාත්‍ය Nawaz Sharif මහතාගේ සංචාරයට අදාළ පූර්ව සාකච්ඡාවක් ඊයේ (09) පාර්ලිමේන්තු සංකීර්ණයේ දී පැවැත්විණි.
ශ්‍රී ලංකාවේ පකිස්තාන මහ කොමසාරිස් Syed Shakeel Hussain මහතා සහ මුදල් අමාත්‍ය රවී කරුණානායක මහතා අතර එම සාකච්ඡාව පැවැත්විණි.
පාකිස්තාන අග්‍රාමාත්‍යවරයාගේ නිල සංචාරයේ දී දෙරට අතර ආර්ථික සංවර්ධන කටයුතුවලට අදාළ ද්වීපාර්ශ්වික සාකච්ඡාවලට ඇතුළත් විය යුතු කරුණු සම්බන්ධයෙන් ද මෙහි දී අවධානය යොමු විය.
දෙරට අතර පවතින රාජතන්ත්‍රික සබඳතාවය තවදුරටත් පුළුල් කර ගැනීම පකිස්තාන අග්‍රාමාත්‍යවරයාගේ ශ්‍රී ලංකා සංචාරයේ අරමුණයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
