මෙමගින් ලබාගන්නා ණය මුදල සහනදායී පොලී අනුපාත මත, ආපසු ගෙවීමේ හැකියාවද මහජන බැංකුව සලසා තිබේ. ණය මුදල් ආපසු ගෙවීම සඳහා උපරිම වසර 05-07ක කාලයක් ලබාදී තිබෙන අතර, වසර 05ක් සඳහා රුපියල් ලක්ෂයකට ගෙවිය යුතු මාසික වාරිකය රුපියල් 2,378.99කි. වසර 07ක කාලයක් සඳහා රුපියල් ලක්ෂයකට ගෙවිය යුතු මාසික වාරිකය රුපියල් 1,929,68කි.
එමෙන් ම පීපල්ස් ඔටෝ ලෝන් ණය පහසුකම් ලබාගන්නා ගනුදෙනුකරුවන්ට සුවිශේෂී ප්‍රතිලාභ රැසක් හිමිවේ. දිවයින පුරා පිහිටා ඇති 730කට අධික ඕනෑම මහජන බැංකු ශාඛාවකින් මෙම ණය මුදල අයදුම්කිරීමේ හැකියාව සලසා දී ඇති අතර, පහසු සහ සරල අයදුම් කිරීමේ ක්‍රියාවලියකින් යුක්තය. මේ සඳහා පිරිසැකසුම් ගාස්තුවක් අය නොකෙරේ. ගෙවිය යුතු ශේෂයට පමණක් පොලිය එකතුවීමද මෙම ණය යෝජනා ක්‍රමයෙන් ලැබෙන තවත් ප්‍රතිලාභයකි.
මීට අමතරව මෙහි කිසිදු සැඟවුණු ගාස්තුවක් නොමැති අතර, මාසික වාරිකයට වැට් බදු එකතු වීමක් ද සිදු නොවේ. ණය මුදල නියමිත කාලයට පෙර ගෙවා නිම කිරීමේ දී දඩ මුදලක් ද අය නොකෙරේ. මෙම ණය යෝජනා ක්‍රමය පිළිබඳව වැඩිදුර තොරතුරු දිවයිනපුරා පිහිටි ඕනෑම මහජන බැංකු ශාඛාවකින් ලබාගැනීමේ හැකියාව සලසා ඇත.
ECB
