උපාය මාර්ගික අධ්‍යයනය යන විෂයය ඔස්සේ සාගරික ආරක්ෂාව යන තේමාව මුල් කරගනිමින් ශ්‍රී ලංකා නාවික හමුදාව සයුරේ දී සටන් වැදුණු ආකාරය අධ්‍යයනය කර ඔහු විසින් ඉදිරිපත් කරන ලද පර්යේශන නිබන්ධනය වෙනුවෙන් මෙම ආචාර්ය උපාධිය පිරිනැමිණි. ආරක්ෂක හමුදා ඉතිහාසයේ විශ්‍රාමික හමුදාපතිවරයෙකු ආචාර්ය උපාධිය ලබාගත් ප්‍රථම අවස්ථාව මෙය වේ.
ශ්‍රී ලංකා නාවික හමුදාවේ 18 වැනි නාවික හමුදාපතිවරයා වශයෙන් කටයුතු කර ඇති අද්මිරාල් කොළඹගේ මහතා, නිර්භීතභාවය වෙනුවෙන් පිදෙන රණශූර පදක්කමින් මෙන් ම විශිෂ්ඨ සේවා විභූෂණය හා උත්තම සේවා පදක්කම ඇතුළු පදක්කම් හා පළඳනා රාශියකින් පිදුම් ලබා ඇති ජ්‍යෙෂ්ඨ නිලධාරියකු වේ.
එමෙන්ම ඔහු නාවික සේවයේදී ක්ෂේත්‍ර ගණනාවක් ඔස්සේ නාවික හමුදාව වෙනුවෙන් ඉටු කර ඇති විශිෂ්ඨ වූ සේවය ඇගයීමක් වශයෙන් නාවික හමුදාපතිවරුන් විසින් පිරිනමනු ලබන ප්‍රශංසාත්මක ලිපි බොහෝමයක් ද ලබා ඇත. 36 වසරක අභිමානවත් නොකැළැල් නාවික දිවිය තුළ ඉලක්කයන් රැසක් ජයගැනීමට හැකි වූ ඔහු ආරක්ෂක කටයුතු පිළිබඳ විද්‍යාපති උපාධියත්, ජාත්‍යන්තර අධ්‍යයනය පිළිබඳ ශාස්ත්‍රපති උපාධියත් හිමිකර ගෙන ඇත.
DB
