පසුගියදා (26) ඇෆ්ගනිස්ථානයේ Hindukush කලාපයේ ඇති වූ ප්‍රබල භූ චලනය හේතුවෙන් ඇෆ්ගනිස්ථානය ප්‍රමුඛ ඉන්දියාවේ හා පකිස්තානයේ ද අහිමි වූ ජීවිත පිළිබඳ හා දේපළ හානිය පිළිබඳව ශ්‍රී ලංකා රජය සහ ජනතාව සිය ශෝකය පළ කර සිටියි.
මෙම භූ කම්පනය නිසා ඇෆ්ගනිස්ථානය, ඉන්දියාව සහ පකිස්තානය තුළ ජීවිත අහිමි වීමෙන් හා තුවාල සිදු වීමෙන් පීඩාවට පත් වූ සියලු දෙනාගේ පවුල් වෙත ශ්‍රී ලංකාව ශෝකය ප්‍රකාශ පළ කර සිටින අතර අප රජයේ සහයෝගය සෑම විටම එම රජයන් වෙත ලබා දීමට බලාපොරොත්තු වේ.
ශ්‍රී ලංකා ජනතාවගේ ප්‍රාර්ථනා හා යැදුම් එම පීඩාවට පත් වූ අය හා සමඟ බවත් ඔවුන් මුහුණ දෙමින් සිටින දුෂ්කර අවස්ථාව ජය ගැනීමට ශක්තිය හා ධෛර්යය ලබා දීම අපගේ බලාපොරොත්තුව වන බවත් එම පණිවිඩයේ සඳහන් වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
