ගම්පහ ප්‍රසිද්ධ බාලික පාසලක මෙවර උසස් පෙළ විභාග සඳහා පෙනී සිටින අපේක්ෂිකාවක් ඉංජිනේරු තාක්ෂණවේදය විෂයේ පළමු පත්‍රයේ උපදෙස් කොටස වෙනස් කර ඉංජිනේරු තාක්ෂණවේද විෂයේ දෙවැනි කොටසේ උපදෙස් ලෙස සකස් කර තිබේ.
එසේ සකස් කළ ව්‍යාජ ප්‍රශ්න පත්‍රය ඇය විසින් මුහුණු පොතට ඇතුළත් කළ බවත් එය තමා ව්‍යාජ ලෙස සකස් කළ බව ඇය පිළිගත් බවත් විභාග කොමසාරිස් ජනරාල්වරයා සඳහන් කළේය.
එසේ ම ඇය එය ව්‍යාජ ලෙස සකස් කළ බව පිළිගන්නා බව තමා වෙත ලිඛිතව දන්වා ඇති බව ද ඒ මහතා පැවසීය.
ඒ සම්බන්ධයෙන් කඩිනම් පරීක්ෂණයක් ආරම්භ කර තිබෙන අතර එවැනි වැරදි සම්බන්ධයෙන් දැඩි දඩුවම් නියම කිරීමට ද කටයුතු කරන බව විභාග කොමසාරිස් ජනරාල්වරයා වැඩිදුරටත් පැවසීය.
kpm
